6 կին չէր իմանա իր կրծքագեղձի քաղցկեղի մասին․․․

Ուռուցքաբանության ազգային կենտրոնը, շարունակելով հոգալ երկրի կանանց առողջության մասին, մեկ ամիս շարունակ անցկացրեց անվճար մամոգրաֆիկ հետազոտություններ։

Կրծքագեղձի քաղցկեղի մասին իրազեկման ամսվա շրջանակում կազմակերպված անվճար ակցիային մասնակցած 40-ից բարձր տարիքի կանայք իրենց կրծքագեղձերը ստուգելու հնարավորություն ունեցան հոկտեմբերի 14-ին, 21-ին և 28-ին։

Անվճար ակցիայի շրջանակում հետազոտվեց շուրջ 75 կին։ Նրանցից 6-ի մոտ, ցավոք, հայտնաբերվել է կրծքագեղձի քացկեղ։ Շատերի մոտ հայտնաբերվել են բարորակ գոյացություններ, 75 կանանց կեսի մոտ գերակշռող էին ֆիբրոզ-կիստոզ-մաստոպաթիաները։ 

Ուռուցքաբանության ազգային կենտրոնը ևս մեկ անգամ հորդորում է պարբերաբար անցնել հետազոտություններ, ստուգվել, կանխարգելել չարաբաստիկ հիվանդությունը: 

Սկզբնական շրջանում կրծքագեղձի քաղցկեղը կարող է ընդհանրապես չդրսևորվել: Այդ իսկ պատճառով յուրաքանչյուր կին կանխարգելման նպատակով պետք է պարբերաբար հետազոտվի։ Ոչ բարդ, անցավ, երկար ժամանակ չպահանջող հետազոտությունը կարող է պահպանել առողջությունը, փրկել կյանքեր։

Որպես նպատակ՝ ՁԵՐ ԱՌՈՂՋՈՒԹՅՈՒՆԸ

Որպես միջոց՝ ՄԵՐ ԱՇԽԱՏԱՆՔԸ

ՍԻՐՈՎ՝ ՈՒԱԿ