Новости

Հակապատվաստումային շարժումների միակ զենքը տարակուսանքի մթնոլորտն է․ Fidec-ի մասնագետներն այցելել են ՈՒԱԿ

Տարբեր երկրներում (այդ թվում՝ Հայաստանում) իրականցված հետազոտությունները ցույց են տալիս, որ «պատվաստվել, թե՝ ոչ», որոշման վրա մեծավ մասամբ ազդում են բժիշկները։ Ընդ որում, պարտադիր չէ, որ նրանք անմիջական կապ ունենան իմունիզացիայի հետ։ Դա կարող է լինել ծանոթ, բարեկամ, կամ` պարզապես բժիշկ, որին վստահում են։


Այդ իսկ պատճառով Fidec հիմնադրամը ՄՊՎ դեմ պատվաստման վերաբերյալ իրազեկման արշավ է սկսել հայաստանյան բժիշկների շրջանում, հաշվի առնելով նաև այն հանգամանքը, որ հուժկու հակապատվաստումային արշավը, որն ուղեկցեց գարդասիլ պատվաստանյութի ներդրմանը Հայաստանում, կասկածներ է հարուցել նաև բժիշկների շրջանում։ Ինչպես նշեց համաճարակաբան Արման Բադալյանը, ոմանք «կուլ տվեցին» հակապատվաստումային ապատեղեկատվության «խայծը»։


Իհարկե՛, Ուռուցքաբանության ազգային կենտրոնի բժիշկներին, որոնց հետ հանդիպում էին կազմակերպել Fidec անդամները, պետք չէր բացատրել, թե ի՞նչ է մարդու պապիլոմավիրուսը, և ի՞նչ նշանակություն ունի այդ վիրուսից պաշտպանությունը։ Նրանք ամեն օր իրենց բժշկական պրակտիկայում տեսնում են այդ վիրուսով վարակման հետևանքները՝ պապիլոմայից մինչև քաղցկեղ։ ՈՒԱԿ-ում գործունեություն ծավալող բժիշկներին առավել հետաքրքրում էին մարտավարական հարցեր, օրինակ, սքրինինգային հետազոտությունների և իմունիզացիայի զուգակցումը, մեծահասակների պատվաստման արդյունավետությունը, ինչպես նաև, թե որն է հակապատվաստումային շարժումների հաջողության բանալին։


«Այսօր աշխարհում հակապատվաստումային շարժումները ոչինչ չեն ապացուցել։ Նրանց միակ զենքն այն է, որ ստեղծում են տարակուսանքի մթնոլորտ», - իր ելույթում նշեց Արման Բադալյանը, հավելելով, որ նրանք հղում են անում VAERS համակարգին` առանց բացատրելու, թե ինչ է վիճակագրությունը, և դրանից հետո մասնագետը որքան էլ փորձի ծնողին բացատրել, որ կա ապացուցողական բժշկություն, միևենույն է, ծնողն արդեն բացասաբար է տրամադրված։


Իմունոլոգ Սևան Իրիցյանը և գինեկոլոգ Շուշանիկ Գրիգորյանն իրենց ելույթներում ներկայացրեցին ապացույցներ, որ ՄՊՎ դեմ պատվաստանյութին մեղսագրվող մեղքերը (անպտղություն, աուտոիմունային հիվանդություններ, չապացուցված արդյունավետություն) մտացածին են։


19-11-2026

Թոքի քաղցկեղ․ գանգատներից մինչև վաղ ախտորոշում. «Լուրերի» անդրադարձը

Թոքի քաղցկեղը շարունակում է մնալ առողջապահության կարևոր մարտահրավերներից մեկը։ Հիվանդության վաղ հայտնաբերումը, առաջին ախտանշանների ճանաչումը և բժշկին ժամանակին դիմելը կարող են էական նշանակություն

17-11-2026

Վիրսունգոլիթիազ․ ենթաստամոքսային գեղձի ծորանի քարերի բուժման բարդ միջամտություններ ՈՒԱԿ-ում

ՈՒԱԿ որովայնային և էնդովիրաբուժության բաժանմունքում իրականացվել են վիրսունգոլիթիազի՝ ենթաստամոքսային գեղձի հիմնական ծորանում առաջացած քարերի բուժման բարդ միջամտություններ։Բաժանմունք են դիմել երկու

08-11-2026

Ի՞նչ պետք է իմանալ թոքի քաղցկեղի մասին. Տիգրան Բյուզանդյանի հարցազրույցը

Թոքի քաղցկեղի դեմ պայքարի և իրազեկման ամսվա շրջանակում Վ. Ա. Ֆանարջյանի անվան Ուռուցքաբանության ազգային կենտրոնի Կրծքավանդակային վիրաբուժության և ինտերվենցիոն թոքաբանության բաժանմունքի վարիչ, թորակալ
Կանխի՛ր կոռուպցիան

Ազդարարման հարցերով պատասխանատու՝ Գոռ Թանայան

ՈՒԱԿ անձնակազմի հաշվառան և գրանցման մասնագետ

Հեռախոսահամարներ՝ 010 205050 - 134

Էլեկտրոնային հասցե՝ gtankyan@bk.ru

Հարգելի՛ այցելուներ,

որակի բարելավման նպատակով խնդրում ենք ձեր առաջարկներն ու դիտարկումներն ուղարկել ՈՒԱԿ տնօրեն Կարեն Ծառուկյանին՝ fanarjiansdirector@gmail.com հասցեով։

Ձեր վստահությունը մեր լավագույն գնահատականն է

Оставить коментарий×