Новости

Քաղցկեղի ախտաֆիզիոլոգիայի հարցերով սեմինար Ուռուցքաբանության ազգային կենտրոնում

Վերջին տարիներս Ֆիզիոլոգիայի և բժշկության բնագավառում Նոբելյան մրցանակները որպես կանոն շնորհվում են այն հետազոտությունների համար, որոնք ուսումնասիրում են քաղցկեղի առաջացման և զարգացման մեխանիզմները՝ բջջային և մոլեկուլային մակարդակներում։ Սա վկայությունն է այն բանի, որ բժշկագիտությունն այս ոլորտում մեծ, հեղափոխական քայլերով առաջ է գնում, և տասնամյա վաղեմության տվյալներն արդեն զգալիորեն նորացման կարիք ունեն։

Այս բնագավառում վերջին թարմացումները և նորագույն մոտեցումները քննարկելու համար Վ․Ա․ Ֆանարջյանի անվան Ուռուցքաբանության ազգային կենտրոնում նոյեմբերի 20-ին կազմակերպվել էր սեմինար, որի ընթացքում դասախոսություններ ունեցան Երևանի պետական բժշկական համալսարանի Ախտաֆիզիոլոգիայի ամբիոնի դոցենտ, կրթության որակի գնահատման և բարելավման հարցերով խորհրդական Արտեմ Գրիգորյանը և միևնույն ամբիոնի դասախոս Դավիթ Ղազարյանը։

Ինչպես նշեց ՈւԱԿ-ի տնօրեն Նարեկ Մանուկյանը, սեմինարը կազմակերպվել է բջջային և մոլեկուլային մակարդակով ուռուցքաբանության հիմնարար գիտելիքները թարմացնելու և նորագույն մոտեցումներին ծանոթանալու համար։ Նա նշեց, որ նման սեմինարները, որոնց ընթացքում բժիշկներն իրենց գիտելիքներն այժմեականացնելու և հարստացնելու հնարավորություն կունենան, շարունակական բնույթ են կրելու։

Դավիթ Ղազարյանը պարզաբանեց, որ պրակտիկ բժիշկների համար կազմակերպված այս սեմինարի ժամանակ քննարկվել են մոլեկուլային կանցեռոգենեզի մասին նորագույն պատկերացումները։

Ինչպես հավելեց Արտեմ Գրիգորյանը, այս հանդիպման նպատակը ոչ միայն ուռուցքների զարգացման մոլեկուլային, բջջային, հյուսվածքային մեխանիզմների վերաբերյալ ժամանակակից մոտեցումները ներկայացնելն էր, այլև պրակտիկ բժիշկներից պատվեր ստանալը, թե որ ուղղությամբ պետք է շարունակել դասավանդումը։

Սեմինարն ընթացավ ինտերակտիվ եղենակով․ բժիշկները տեղում գրանցվեցին հատուկ առցանց հարթակում և մասնակցեցին հարցումներին։


19-11-2026

Թոքի քաղցկեղ․ գանգատներից մինչև վաղ ախտորոշում. «Լուրերի» անդրադարձը

Թոքի քաղցկեղը շարունակում է մնալ առողջապահության կարևոր մարտահրավերներից մեկը։ Հիվանդության վաղ հայտնաբերումը, առաջին ախտանշանների ճանաչումը և բժշկին ժամանակին դիմելը կարող են էական նշանակություն

17-11-2026

Վիրսունգոլիթիազ․ ենթաստամոքսային գեղձի ծորանի քարերի բուժման բարդ միջամտություններ ՈՒԱԿ-ում

ՈՒԱԿ որովայնային և էնդովիրաբուժության բաժանմունքում իրականացվել են վիրսունգոլիթիազի՝ ենթաստամոքսային գեղձի հիմնական ծորանում առաջացած քարերի բուժման բարդ միջամտություններ։Բաժանմունք են դիմել երկու

08-11-2026

Ի՞նչ պետք է իմանալ թոքի քաղցկեղի մասին. Տիգրան Բյուզանդյանի հարցազրույցը

Թոքի քաղցկեղի դեմ պայքարի և իրազեկման ամսվա շրջանակում Վ. Ա. Ֆանարջյանի անվան Ուռուցքաբանության ազգային կենտրոնի Կրծքավանդակային վիրաբուժության և ինտերվենցիոն թոքաբանության բաժանմունքի վարիչ, թորակալ
Կանխի՛ր կոռուպցիան

Ազդարարման հարցերով պատասխանատու՝ Գոռ Թանայան

ՈՒԱԿ անձնակազմի հաշվառան և գրանցման մասնագետ

Հեռախոսահամարներ՝ 010 205050 - 134

Էլեկտրոնային հասցե՝ gtankyan@bk.ru

Հարգելի՛ այցելուներ,

որակի բարելավման նպատակով խնդրում ենք ձեր առաջարկներն ու դիտարկումներն ուղարկել ՈՒԱԿ տնօրեն Կարեն Ծառուկյանին՝ fanarjiansdirector@gmail.com հասցեով։

Ձեր վստահությունը մեր լավագույն գնահատականն է

Оставить коментарий×