Новости

Կրծքագեղձի քաղցկեղի դեմ պայքար. ՈՒԱԿ-ում հետազոտվել են կին դատապարտյալները

ՀՀ Առողջապահության նախարարության նախաձեռնությամբ և Վ.Ա. Ֆանարջյանի անվան Ուռուցքաբանության ազգային կենտրոնի մասնագիտական աջակցությամբ կին դատապարտյալների շրջանում իրականացվել է անվճար մամոգրաֆիկ հետազոտություն՝ կրծքագեղձի քաղցկեղի դեմ պայքարի և իրազեկման արշավի շրջանակում։

Նախաձեռնության հիմնական նպատակը սահմանափակ պայմաններում գտնվող կանանց համար առողջապահական հավասար հնարավորությունների ապահովումն է։
Մամոգրաֆիկ հետազոտությունը հնարավորություն է տալիս վաղ փուլում հայտնաբերել հնարավոր փոփոխություններ, ինչը չափազանց կարևոր է հիվանդության կանխարգելման և հաջող բուժման համար։

Նման ծրագրերը վկայում են, որ պետական առողջապահական քաղաքականությունը ձգտում է առավել ընդգրկուն դառնալ՝ հասանելի դարձնելով կանխարգելիչ և ախտորոշիչ ծառայությունները բոլոր խմբերի համար։

Այս նախաձեռնությունը ոչ միայն կարևոր քայլ էր կրծքագեղձի քաղցկեղի դեմ պայքարի և իրազեկման ուղղությամբ, այլ նաև մարդասիրական մոտեցման դրսևորում՝ ընդգծելով, որ առողջությունն իրավունքի ամենաառաջին ձևերից մեկն է։

Կրծքագեղձի քաղցկեղը շարունակում է մնալ կանանց շրջանում ամենատարածված չարորակ ուռուցքը։ Վաղ հայտնաբերման և կանոնավոր հետազոտությունների շնորհիվ հնարավոր է փրկել բազմաթիվ կյանքեր։
Ուռուցքաբանության ազգային կենտրոնը շարունակում է իրազեկման և կանխարգելման արշավը:

 

19-11-2026

Թոքի քաղցկեղ․ գանգատներից մինչև վաղ ախտորոշում. «Լուրերի» անդրադարձը

Թոքի քաղցկեղը շարունակում է մնալ առողջապահության կարևոր մարտահրավերներից մեկը։ Հիվանդության վաղ հայտնաբերումը, առաջին ախտանշանների ճանաչումը և բժշկին ժամանակին դիմելը կարող են էական նշանակություն

17-11-2026

Վիրսունգոլիթիազ․ ենթաստամոքսային գեղձի ծորանի քարերի բուժման բարդ միջամտություններ ՈՒԱԿ-ում

ՈՒԱԿ որովայնային և էնդովիրաբուժության բաժանմունքում իրականացվել են վիրսունգոլիթիազի՝ ենթաստամոքսային գեղձի հիմնական ծորանում առաջացած քարերի բուժման բարդ միջամտություններ։Բաժանմունք են դիմել երկու

08-11-2026

Ի՞նչ պետք է իմանալ թոքի քաղցկեղի մասին. Տիգրան Բյուզանդյանի հարցազրույցը

Թոքի քաղցկեղի դեմ պայքարի և իրազեկման ամսվա շրջանակում Վ. Ա. Ֆանարջյանի անվան Ուռուցքաբանության ազգային կենտրոնի Կրծքավանդակային վիրաբուժության և ինտերվենցիոն թոքաբանության բաժանմունքի վարիչ, թորակալ
Կանխի՛ր կոռուպցիան

Ազդարարման հարցերով պատասխանատու՝ Գոռ Թանայան

ՈՒԱԿ անձնակազմի հաշվառան և գրանցման մասնագետ

Հեռախոսահամարներ՝ 010 205050 - 134

Էլեկտրոնային հասցե՝ gtankyan@bk.ru

Հարգելի՛ այցելուներ,

որակի բարելավման նպատակով խնդրում ենք ձեր առաջարկներն ու դիտարկումներն ուղարկել ՈՒԱԿ տնօրեն Կարեն Ծառուկյանին՝ fanarjiansdirector@gmail.com հասցեով։

Ձեր վստահությունը մեր լավագույն գնահատականն է

Оставить коментарий×