Новости

ՈւԱԿ տնօրեն Նարեկ Մանուկյանը ներկա է գտնվել Մանկական ուռուցքաբանության միջազգային միության ասիական 15-րդ համաժողովի պաշտոնական բացմանը

«Շնորհակալություն ոլորտի համար նշանակալի այս իրադարձությունը ՀՀ-ում անցկացնելու համար». ՈւԱԿ տնօրեն Նարեկ Մանուկյանը ներկա է գտնվել Մանկական ուռուցքաբանության միջազգային միության ասիական 15-րդ համաժողովի պաշտոնական բացմանը

Հայաստանում այսօր պաշտոնապես մեկնարկել է Մանկական ուռուցքաբանության միջազգային միության ասիական 15-րդ համաժողովը (SIOP Asia 2023 ):

Համաժողովին բացման խոսքով հանդես է եկել նաև ՈՒԱԿ տնօրեն Նարեկ Մանուկյանը: Վերջինս իր խոսքում ընդգծել է համաժողովի կարևորությունը և նրա անցկացումը մեր երկրում.

«Հայաստանում նման միջոցառման անցկացումը խոսում է մեր երկրի ուռուցքաբանների մեծ դերի, առաջխաղացման ու նրանց հեղինակության մասին: Ուրախ եմ, որ համաժողովի ընթացքում քննարկվելիք կարևորագույն թեմաներից մեկը՝ նվիրված ճառագայթային թերապիային, անցկացվելու է Ուռուցքաբանության ազգային կենտրոնում: 

Մեր կենտրոնում շուտով կբացվի նորագույն տեխնոլոգիական մասնաշենք, որտեղ կլինեն 2 գծային արագացուցիչներ: Այս քայլը կբարձրացնի ճառագայթային թերապիայի որակը մեր երկրում»:

Ելույթի վերջում Նարեկ Մանուկյանը, մասնակիցներին մաղթելով արգասաբեր աշխատանք, շեշտել է. 

«Ուզում եմ, որ մեծահասակների ուուցքաբանությամբ զբաղվող մեր բոլոր մասնագետները իրենց համար նշաձող սահմանեն այն ցուցանիշները, որոնց հասել են մանկական ուռուցքաբանները»:

Համաժողովի նպատակն է մեկ հարկի տակ հավաքել մանկական ուռուցքաբանության համաշխարհային առաջատար ավելի քան 200 մասնագետների, բժշկական և ուսումնական հաստատությունների ղեկավարների, որոնք հանդես կգան ոլորտի ամենաարդի զարգացումների վերաբերյալ զեկույցներով և դասախոսություններով։ Կբարձրաձայնվեն նորարարությունները, գիտնականները կներկայացնեն իրենց հայտնագործություններն ու փորձը:

Համաժողովի համակազմակերպիչներն են՝ Երևանի Մխիթար Հերացու անվան պետական բժշկական համալսարանը, Հայաստանի մանկական քաղցկեղի և արյան հիվանդությունների կենտրոնը, որը հանդիսանում է ՀՀ ԱՆ պրոֆ․ Ռ․Հ․ Յոլյանի անվան Արյունաբանական կենտրոնի մաս, Իմունաուռուցքաբանության գիտահետազոտական ​​ինստիտուտը (IMMONC) և Սիթի օֆ Սմայլ բարեգործական հիմնադրամը։

Համաժողովն անց է կացվում ՀՀ Առողջապահության նախարարության աջակցությամբ։

Համաժողովի գլխավոր հովանավորներն են Agenus բիոտեխնոլոգիական ընկերությունը (ԱՄՆ) և Team Telecom Armenia ընկերությունը։

19-11-2026

Թոքի քաղցկեղ․ գանգատներից մինչև վաղ ախտորոշում. «Լուրերի» անդրադարձը

Թոքի քաղցկեղը շարունակում է մնալ առողջապահության կարևոր մարտահրավերներից մեկը։ Հիվանդության վաղ հայտնաբերումը, առաջին ախտանշանների ճանաչումը և բժշկին ժամանակին դիմելը կարող են էական նշանակություն

17-11-2026

Վիրսունգոլիթիազ․ ենթաստամոքսային գեղձի ծորանի քարերի բուժման բարդ միջամտություններ ՈՒԱԿ-ում

ՈՒԱԿ որովայնային և էնդովիրաբուժության բաժանմունքում իրականացվել են վիրսունգոլիթիազի՝ ենթաստամոքսային գեղձի հիմնական ծորանում առաջացած քարերի բուժման բարդ միջամտություններ։Բաժանմունք են դիմել երկու

08-11-2026

Ի՞նչ պետք է իմանալ թոքի քաղցկեղի մասին. Տիգրան Բյուզանդյանի հարցազրույցը

Թոքի քաղցկեղի դեմ պայքարի և իրազեկման ամսվա շրջանակում Վ. Ա. Ֆանարջյանի անվան Ուռուցքաբանության ազգային կենտրոնի Կրծքավանդակային վիրաբուժության և ինտերվենցիոն թոքաբանության բաժանմունքի վարիչ, թորակալ
Կանխի՛ր կոռուպցիան

Ազդարարման հարցերով պատասխանատու՝ Գոռ Թանայան

ՈՒԱԿ անձնակազմի հաշվառան և գրանցման մասնագետ

Հեռախոսահամարներ՝ 010 205050 - 134

Էլեկտրոնային հասցե՝ gtankyan@bk.ru

Հարգելի՛ այցելուներ,

որակի բարելավման նպատակով խնդրում ենք ձեր առաջարկներն ու դիտարկումներն ուղարկել ՈՒԱԿ տնօրեն Կարեն Ծառուկյանին՝ fanarjiansdirector@gmail.com հասցեով։

Ձեր վստահությունը մեր լավագույն գնահատականն է

Оставить коментарий×