ՈՒԱԿ մասնագետը մասնակցել է ՌԴ Կազան քաղաքում կայացած «Անհետաձգելի ուռուցքաբանություն» թեմայով կոնգրեսին

Ուռուցքաբանության ազգային կենտրոնի Սերգեյ Սեինյանի անվան ոսկրային ուռուցքաբանության բաժանմունքի բժիշկ-դիմածնոտային վիրաբույժ Սերգեյ Ղազանչյանը հունիս ամսին մասնակցել է ՌԴ Կազան քաղաքում տեղի բժշկական ակադեմիայի և АДИОР СНГ и ЕА կողմից կազմակերպված «Անհետաձգելի ուռուցքաբանություն» թեմայով կոնգրեսին։




ՈՒԱԿ մասնագետը հանդես է եկել «Բիշի ճարպամարմնի օգտագործումը բերանի խոռոչի ուռուցքների բուժման վիրաբուժական փուլում ՝ դեֆեկտների վերականգնման համար» թեմայով զեկույցով։ Բիշի ճարպային մարմինների օգտագործումը հին, բայց ինչպես ցույց է տալիս փորձը, հնացած մեթոդ չէ և շատ դեպքերում լավագույն տարբերակն է համարվում բերանի խոռոչի դեֆեկտները վերականգնելու համար։ 

 

Մարմնի այլ հատվածից վերցրած լաթերի համեմատ Բիշը պահանջում է լորձաթաղանթի միայն մեկ կտրվածք ներբերանային՝ վերին անցման ծալքի մակարդակում, որը տեխնիկապես շատ պարզ է և չի պահանջում միկրովիրաբուժական միջամտություն։ Այս տարբերակով վիրահատության տևողությունը կրճատվում է 2-3 ժամով։ Հետվիրահատական վերականգնողական շրջանը տևում է 3-5 օր, այդ ընթացքում ճարպային լաթը վերաձևափոխվում է լորձաթաղանթի։ Այն հնարավորություն է տալիս նաև խուսափել հետագա հնարավոր բարդություններից, որոնք հաճախ առաջանում են, երբ վիրահատության համար կիրառվում է մարմնի այլ հատվածից առանձնացված լաթ։



Նմանօրինակ միջոցառումների մասնակցությունը կարևորվում է Ուռուցքաբանության ազգային կենտրոնի կողմից։ Կոնգրեսի մասնակցության գլխավոր նպատակներից են մասնագիտական փորձի փոխանակումը, նորարարություններին ծանոթանալն ու գործընկերային հարաբերությունների հաստատումը միջազգային տարբեր կազմակերպությունների և մասնագետների հետ։ Մենք կարևորում ենք շարունակական զարգացումը