NEWS

Հայաստանի 3 մարզերում կրծքագեղձի քաղցկեղի վաղ ախտորոշման համար սքրինինգային ծրագիր կանցկացվի

Հայաստանի 3 մարզերում՝ Տավուշում, Լոռիում և Սյունիքում, ծրագրվում է կրծքագեղձի քաղցկեղի վաղ ախտորոշման համար սքրինինգային ծրագիր անցկացնել: Այս մասին լրագրողներին հայտնեց ՀՀ ԱՆ Ուռուցքաբանության գծով խորհրդական Հայկուհի Գյոկչյանը:

Նրա խոսքով՝ եթե ծրագիրն ապացուցի իր արդյունավետությունը, ապա այն կարող են սկսել երկրի ամբողջ տարածքում: Ծրագրի նպատակն է վաղ փուլերում հայտնաբերել կրծքագեղձի քաղցկեղը, երբ դեռ չկան կամ գրեթե չկան ախտանիշներ: Նման դեպքերում բուժումն ավելի էժան և արդյունավետ է:

Ինչպես նշեց Նարեկ Մանուկյանը՝ Ֆանարջյանի անվան ուռուցքաբանության ազգային կենտրոնի ղեկավարը, ծրագրի շրջանակում շարժական կլինիկան, որը հագեցած է մամոգրաֆիա անցկացնելու համար սարքով, կանգ կառնի վերոնշյալ մարզերի բուժկենտրոնների մոտ: Այնտեղ կանցկացվեն մամոգրաֆիայի հետազոտություններ, որոնց համար պացիենտները կկարողանան նախապես գրանցվել բնակության վայրի ամբուլատորիաների միջոցով:

Եթե կնոջ մոտ ինչ-որ խնդիր հայտնաբերվի, հետագա հետազոտությունների համար նրան կուղարկեն Երևան:   

Հիշեցնենք, որ 2015 թվականից Հայաստանում գործում է արգանդի վզիկի քաղցկեղի վաղ ախտորոշման սքրինինգային ծրագիր, որի շրջանակում 30 տարեկանից բարձր բոլոր կանայք կարող են անվճար պապ-թեստ անցնել բնակության վայրի պոլիկլինիկաներում:

Հայաստանում ծրագրվում է նաև ներդնել սքրինինգային ծրագիր կոլոռեկտալ քաղցկեղի վաղ ախտորոշման համար: Դրա մասին մանրամասներ հայտնի կդառնան ավելի ուշ:  


                                                                                                                                                                    Սկզբնաղբյուր՝ NEWS.am


19-11-2026

Թոքի քաղցկեղ․ գանգատներից մինչև վաղ ախտորոշում. «Լուրերի» անդրադարձը

Թոքի քաղցկեղը շարունակում է մնալ առողջապահության կարևոր մարտահրավերներից մեկը։ Հիվանդության վաղ հայտնաբերումը, առաջին ախտանշանների ճանաչումը և բժշկին ժամանակին դիմելը կարող են էական նշանակություն

17-11-2026

Վիրսունգոլիթիազ․ ենթաստամոքսային գեղձի ծորանի քարերի բուժման բարդ միջամտություններ ՈՒԱԿ-ում

ՈՒԱԿ որովայնային և էնդովիրաբուժության բաժանմունքում իրականացվել են վիրսունգոլիթիազի՝ ենթաստամոքսային գեղձի հիմնական ծորանում առաջացած քարերի բուժման բարդ միջամտություններ։Բաժանմունք են դիմել երկու

08-11-2026

Ի՞նչ պետք է իմանալ թոքի քաղցկեղի մասին. Տիգրան Բյուզանդյանի հարցազրույցը

Թոքի քաղցկեղի դեմ պայքարի և իրազեկման ամսվա շրջանակում Վ. Ա. Ֆանարջյանի անվան Ուռուցքաբանության ազգային կենտրոնի Կրծքավանդակային վիրաբուժության և ինտերվենցիոն թոքաբանության բաժանմունքի վարիչ, թորակալ
Կանխի՛ր կոռուպցիան

Ազդարարման հարցերով պատասխանատու՝ Գոռ Թանայան

ՈՒԱԿ անձնակազմի հաշվառան և գրանցման մասնագետ

Հեռախոսահամարներ՝ 010 205050 - 134

Էլեկտրոնային հասցե՝ gtankyan@bk.ru

Հարգելի՛ այցելուներ,

որակի բարելավման նպատակով խնդրում ենք ձեր առաջարկներն ու դիտարկումներն ուղարկել ՈՒԱԿ տնօրեն Կարեն Ծառուկյանին՝ fanarjiansdirector@gmail.com հասցեով։

Ձեր վստահությունը մեր լավագույն գնահատականն է

Leave a comment×