NEWS

Հայտնի են այն մթերքները, որոնք օգնում են պայքարել կրծքագեղձի քաղցկեղի դեմ

Միսսուրիի Համալսարանի գիտնականները պարզել են, որ լյուտեոլին բնական միացությունը, որը պարունակվում է բանջարեղեններում և խոտաբույսերում (ինչպիսիք են նեխուրը, բրոկոլին, մաղադանոսը, ուրցը), կրծքագեղձի քաղցկեղի դեպքում ունակ է նվազեցնել մետաստազների զարգացման ռիսկը, գրում է Science Daily:


Լյուտեոլինն ոչ թունավոր միացություն է, որը, ինչպես ավելի վաղ է հաջողվել հաստատել, գործում է քաղցկեղի մի քանի տեսակների դեմ: Նոր հետազոտության մեջ գիտնականները կենտրոնացել են եռակի բացասական կրծքագեղձի քաղցկեղի վրա:


Քաղցկեղի տվյալ տեսակի դեպքում չարորակ բջիջների մոտավորապես 3 ընկալիչ բացակայում է, ինչի հետևանքով սովորական դեղորայքը չեն կարողանում «գտնել» այդ բջիջները: Այդ ամենի արդյունքում բժիշկները ստիպված դիմում են բուժման ագրեսիվ և թունավոր տարբերակին:


Քաղցկեղի տվյալ տեսակի դեպքում հիմնական խնդիրներից մեկը դեղորայքի նկատմամբ կայուն բջիջներից մետաստատիկ ախտահարումների հաճախակի զարգացումն է: Մասնագետները փորձում են այս ուռուցքային հիվանդության համար բուժման առավել անվտանգ եղանակներ գտնել:


Գիտնականները փորձեր են իրականացրել եռակի բացասական կրծքագեղձի քաղցկեղի բջիջներով մկների վրա:


Պարզվել է, որ լյուտեոլինն ունակ  է կրծողների թոքերում ընկճել մետաստազների զարգացումը: Լյուտեոլինով բուժվող կենդանիների մոտ մետաստազների աճը զգալիորեն քիչ է եղել: Ավելին, քաշի անկում չի դիտվել, որն էլ վկայել է թունավոր կողմնակի ազդեցության բացակայության մասին:


Հետազոտողները եզրակացրին, որ լյուտեոլինը եռակի բացասական կրծքագեղձի քաղցկեղի դեպքում կարող է մետաստազների կանխարգելման անվտանգ և արդյունավետ միջոց լինել: 


19-11-2026

Թոքի քաղցկեղ․ գանգատներից մինչև վաղ ախտորոշում. «Լուրերի» անդրադարձը

Թոքի քաղցկեղը շարունակում է մնալ առողջապահության կարևոր մարտահրավերներից մեկը։ Հիվանդության վաղ հայտնաբերումը, առաջին ախտանշանների ճանաչումը և բժշկին ժամանակին դիմելը կարող են էական նշանակություն

17-11-2026

Վիրսունգոլիթիազ․ ենթաստամոքսային գեղձի ծորանի քարերի բուժման բարդ միջամտություններ ՈՒԱԿ-ում

ՈՒԱԿ որովայնային և էնդովիրաբուժության բաժանմունքում իրականացվել են վիրսունգոլիթիազի՝ ենթաստամոքսային գեղձի հիմնական ծորանում առաջացած քարերի բուժման բարդ միջամտություններ։Բաժանմունք են դիմել երկու

08-11-2026

Ի՞նչ պետք է իմանալ թոքի քաղցկեղի մասին. Տիգրան Բյուզանդյանի հարցազրույցը

Թոքի քաղցկեղի դեմ պայքարի և իրազեկման ամսվա շրջանակում Վ. Ա. Ֆանարջյանի անվան Ուռուցքաբանության ազգային կենտրոնի Կրծքավանդակային վիրաբուժության և ինտերվենցիոն թոքաբանության բաժանմունքի վարիչ, թորակալ
Կանխի՛ր կոռուպցիան

Ազդարարման հարցերով պատասխանատու՝ Գոռ Թանայան

ՈՒԱԿ անձնակազմի հաշվառան և գրանցման մասնագետ

Հեռախոսահամարներ՝ 010 205050 - 134

Էլեկտրոնային հասցե՝ gtankyan@bk.ru

Հարգելի՛ այցելուներ,

որակի բարելավման նպատակով խնդրում ենք ձեր առաջարկներն ու դիտարկումներն ուղարկել ՈՒԱԿ տնօրեն Կարեն Ծառուկյանին՝ fanarjiansdirector@gmail.com հասցեով։

Ձեր վստահությունը մեր լավագույն գնահատականն է

Leave a comment×