Հոկտեմբերի 5-ին ՈՒԱԿ-ում տեղի ունեցավ «Միջին բուժաշխատողների ուռուցքաբանական 2-րդ համաժողովը»
Արմենպրեսն անդրադարձել է հոկտեմբերի 5-ին Ուռուցքաբանության ազգային կենտրոնում տեղի ունեցած «Միջին բուժաշխատողների ուռուցքաբանական 2-րդ համաժողով»-ին։
«Մարդասիրությունը բուժքույրերի ամենամեծ առաքելությունն է։ Բուժման ընթացքում միջին բուժաշխատողների դերը գրեթե չի զիջում բժիշկների մեծ աշխատանքին։ Բուժքրոջ մասնագիտությունն ամենօրյա քրտնաջան աշխատանք է պահանջում, մեծ սեր և հարգանք դիմացինի նկատմամբ։ Վստահ եմ, որ յուրաքանչյուրդ այստեղ հենց այդ առաքելությունն իրականացնելու մեծ պատրաստակամությամբ ու մարդասեր տեսակով եք օժտված»,-նշեց Ուռուցքաբանության ազգային կենտրոնի տնօրեն Նարեկ Մանուկյանն իր ողջույնի խոսքում։
Մասնագիտությամբ բուժքույր ՀՀ Ազգային ժողովի պատգամավոր Հռիփսիմե Հունանյանն օրվա հատուկ հյուրերից էր և համաժողովի մասնակիցներին ողջունելիս առաջին հերթին նշեց, որ շատ ջերմ ու հարազատ միջավայրում է։
«Եթե նույնիսկ տարվա բոլոր օրերը ձեզ նվիրվեն, միևնույն է քիչ կլինի։ Աշխարհի բոլոր դեղամիջոցները անզոր կլինեն, եթե բացակայեն ձեր հոգատարությունը, բարեհամբույր վերաբերմունքն ու համբերատարությունը։ Պրոֆեսիոնալ բուժքույրերը չեն բաժանվում իրենց մասնագիտությունից։ Նրանք իրենց մասնագիտության հետ ապրում են»,-համաժողովի մեկնարկին իր շնորհակալական խոսքում առանձնացրեց պատգամավորը։
Համաժողովի առաջնահերթություններից մեկը նաև հանրապետության սահմաններում եղած բժշկական հաստատությունների միջին բուժանձնակազմի ներգրավումը և այս գիտագործնական միջոցառման մասնակիցը դարձնելն է։
Ավելին՝ այստեղ ։
