Նշանակալի իրադարձություն հայաստանյան առողջապահական կյանքում. “PHUSE Single Day” կոնֆերանսն առաջին անգամ կանցկացվի Երևանում, որը կմիավորի ոլորտի շուրջ 200 մասնագետ ոչ միայն Հայաստանից, այլ նաև աշխարհի տարբեր երկրներից:

«Գուրուս»-ը Հայաստանում առաջին անգամ կհյուրընկալի միջազգային ճանաչում ունեցող “PHUSE Single Day” կոնֆերանսը, որի գլխավոր հովանավորն է ՀՀ ԱՆ Վ.Ա. Ֆանարջյանի անվան Ուռուցքաբանության ազգային կենտրոնը: 

“PHUSE Single Day Event”-ը յուրաքանչյուր տարի անցկացվում է աշխարհի տարբեր երկրներում, և այս տարի, կազմակերպության պատմության մեջ առաջին անգամ, այն տեղի կունենա Հայաստանում։

“PHUSE Single Day Event”-ի միջոցառումները կենտրոնացած են տվյալ տարածաշրջանում կլինիկական տվյալների ներկայացման վրա՝ տրամադրելով հարթակ մասնագետներին կապեր հաստատելու, փորձի ու գիտելիքի փոխանակման և փորձառության զարգացման համար։

Կոնֆերանսի համանախագահն է ՈՒԱԿ փոխտնօրեն, ուռուցքաբան-վիրաբույժ, բ.գ.թ. Արթուր Ավետիսյանը: Զեկույցով հանդես կգա ՈՒԱԿ կլինիկական հետազոտությունների և քաղցկեղի ռեգիստրի բաժնի ղեկավար Արևիկ Ստեփանյանը: 

Սա նշանակալի քայլ է հանդիսանում՝ ընդգծելու Հայաստանի զարգացող դերը համաշխարհային կլինիկական հետազոտությունների և առողջապահական նորարարությունների ոլորտում:

Կոնֆերանսի մանրամասներին, այդ թվում` օրակարգին, բանախոսներին և թեմաներին կարողեք ծանոթանալ հետևյալ հղումներով` https://bit.ly/3EcDlh4 , https://bit.ly/43E86WB

“PHUSE”-ը միջազգային հեղինակություն վայելող ոչ առևտրային կազմակերպություն է, որն իր շուրջ է համախմբում աշխարհի դեղագործական, կենսատեխնոլոգիական և առողջապահական ոլորտների առաջատար մասնագետներին՝ հանդիսանալով հարթակ ոլորտային քննարկումների, գիտելիքների փոխանակման, կլինիկական հետազոտությունների, բիոմետրիայի և առողջապահական նորարարությունների քննարկման, մասնագիտական կապերի ամրապմնդման համար: