ՈՒԱԿ-ի նեյրովիրաբույժը 2 շաբաթ եղել է Մոսկվայում Ուռուցքաբանության ազգային կենտրոնը՝ իր բազմամյա գործունեությամբ, քայլում է ոլորտային զարգացած կենտրոններին զուգահեռ։ ՈՒԱԿ-ը ոչ միայն միջազգային ստանդարտն է տեղայնացնում և զարգացնում ուռուցքաբանությունը երկրում, այլև իր փորձով և օրինակով կիսվում է այլ կենտրոնների հետ։ 

Վառ օրինակ է 2006թ․-ի Մոսկվայի Ն. Ն. Բուրդենկոյի անվան նյարդավիրաբուժության ազգային բժշկական գիտահետազոտական կենտրոնի նյարդավիրաբույժ Վլադիմիր Կարախանի այցը ՈՒԱԿ-ի Նեյրոօնկոլոգիկան բաժանմունք ։ Տպավորված լինելով Ոռուցքաբանության ազգային կետրոնով և բաժանմունքով՝ այցից հետո Վլադիմիր Կարախանը 2007թ․-ին Ն.Ն.Բլոխինի անվան ուռուցքաբանության գիտաբժշկական կենտրոնում հիմնադրում է Ներյոօնկոլոգիական բաժանմունք՝ ՈՒԱԿ-ի օրինակով։

Հենց այս բաժանմունքում էլ իր վերապատրաստումն է անցել ՈՒԱԿ նեյրովիրաբույժ Աննա Կիզոկյանը։ 

Բժիշկը մասնակցել է համահիվանդանոցային կոնֆերանսներին, բաժանմունքի վիրահատություններին, խորհրդատվություններին և ուսումնասիրել բարդ վիրահատությունների հետվիրահատական շրջանը։

Երկու շաբաթում Աննա Կիզոկյանը սերտել է գլխուղեղի ուռուցքների ստերեոտակսիկ բիոպսիան։ 

Ստերեոտակսիկ բիոպսիան նվազագույն ինվազիվ վիրաբուժական միջամտություն է, որը թույլ է տալիս գլխուղեղից վերցնելու պաթոլոգիական փոփոխված հյուսվածքը՝ միկրոսկոպիկ հետազոտություն անցկացնելու, ճշգրիտ հյուսվածաբանական ախտորոշում հաստատելու և բուժման հետագա մարտավարությունը որոշելու համար։ Այս միջամտության առավելությունն է արագությունը, ճշգրտությունը, հիվանդի վիճակի արագ բարելավումն ու հիվանդանոցում մնալու ժամկետների նվազեցումը: 

ՈՒԱԿ-ը շարունակում է ավելացնել նոր ծառայություններ։ Գլխուղեղի ուռուցքների ստերեոտակսիկ բիոպսիան շուտով հասանելի կլինի նաև մեր կենտրոնում։