ՆՈՐՈՒԹՅՈՒՆՆԵՐ

Առաջին անգամ Հայաստանում հայ-գերմանական համատեղ կլինիկական հետազոտություն կրծքագեղձի մետաստատիկ քաղցկեղի բուժման ոլորտում

Ամբողջ աշխարհում կլինիկական հետազոտությունները համարվում են պացիենտներին նորագույն բուժական մոտեցումներ առաջարկող հիմնական ծրագրեր։ Նորարարական բուժամիջոցները պացիենտների համար հասանելի դարձնելուց բացի, կլինիկական հետազոտական ծրագրերը հաճախ հավելյալ հնարավորություններ և հեռանկարներ են ստեղծում ավանդականորեն անբուժելի համարվող մի շարք հիվանդություններով տառապող պացիենտների համար։ Միաժամանակ, կլինիկական հետազոտությունների շրջանակներում կատարվող ախտորոշիչ-բուժական միջոցառումները սովորաբար կատարվում են անվճար հիմունքներով, ինչը իրական հնարավորություն է ընդձեռում սահմանափակ ֆինանսական հնարավորություններ ունեցող պացիենտներին ստանալ որակյալ, առաջադեմ բուժօգնություն լավագույն բժիշկ-գիտնականների կողմից։


Գերմանական BRIU GmbH ընկերության աջակցությամբ, Ուռուցքաբանության ազգային կենտրոնում այս տարվա ապրիլին մեկնարկել է երկրորդ փուլի ռանդոմիզացված կլինիկական հետազոտություն, որի շրջանակներում կրծքագեղձի տարածուն և մետաստատիկ քաղցկեղով հիվանդներին առաջարկվում է ժամանակակից դեղորայքային բուժման նոր մոտեցում։ Ծրագիրը նպատակ ունի կրծքագեղձի տարածուն և մետաստատիկ քաղցկեղով 150 պացիենտների մոտ գնահատել գերմանական արտադրության նոր դեղամիջոցի առավելությունները ստանդարտ քիմիաթերապիայի հետ զուգակցված կիրառելիս։ Ծրագրում արդեն իսկ ընդգրկվել են շուրջ 70 պացիենտներ, որոնց զգալի մասը հաջողությամբ՝ առանց էական կողմնակի երևույթների, ավարտել է եռամսյա բուժման կուրսը. ընթացքի մեջ է նաև նոր պացիենտների ընդգրկումը բժիշկ-գիտնականների թիմի կողմից։ Գիտահետազոտական ծրագիրը հաջողությամբ անցել է ՀՀ Դեղորայքի և բժշկական տեխնոլոգիաների փորձագիտական կենտրոնի և ՀՀ Առողջապահության նախարարության Էթիկայի հանձնաժողովի փորձաքննությունը և պաշտոնապես թույլատրվել է ՀՀ Առողջապահության նախարարության կողմից։ Այն նաև գրանցված է ԱՄՆ Առողջապահության ազգային ինստիտուտների clinicaltrials.gov հեղինակավոր ծառայությունում (NCT03072992)։


Ծրագրին մասնակցելը պացիենտների համար ունի մի շարք առավելություններ, մասնավորապես`


1.    բուժման համար անհրաժեշտ դեղորայքը, մասնավորապես՝ Պակլիտաքսել թանկարժեք քիմիապրեպարատը պացիենտները ստանում են բացառապես անվճար։


2.    բոլոր ախտորոշիչ այդ թվում՝ հետազոտության շրջանակներում նախատեսված թանկարժեք և դժվարամատչելի հետազոտությունները կատարվում են անվճար


3.    հետազոտության առարկա հանդիսացող բուժական մոտեցումը մեծ հավանականությամբ կարող է լինել ավելի արդյունավետ, քան ստանդարտ բուժումը։

4.    հավանական է, որ նոր բուժական մոտեցումն ուղեկցվի ավելի քիչ կողմնակի էազդեցություններով, քան ստանդարտ քիմիաթերապիան։

Կլինիկական գիտահետազոտական աշխատանքներում սովորաբար ընդգրկվում են լավագույն մասնագետները:


Այս ծրագրի մասնակցելու թեկնածուներն են կրծքագեղձի մետաստատիկ քաղցկեղով հիվանդ կանայք:


Ծրագրի մասին մանրամասն տեղեկատվության համար կարող եք դիմել Ուռուցքաբանության Ազգային Կենտրոնի պոլիկլինիկա:


19-11-2026

Թոքի քաղցկեղ․ գանգատներից մինչև վաղ ախտորոշում. «Լուրերի» անդրադարձը

Թոքի քաղցկեղը շարունակում է մնալ առողջապահության կարևոր մարտահրավերներից մեկը։ Հիվանդության վաղ հայտնաբերումը, առաջին ախտանշանների ճանաչումը և բժշկին ժամանակին դիմելը կարող են էական նշանակություն

17-11-2026

Վիրսունգոլիթիազ․ ենթաստամոքսային գեղձի ծորանի քարերի բուժման բարդ միջամտություններ ՈՒԱԿ-ում

ՈՒԱԿ որովայնային և էնդովիրաբուժության բաժանմունքում իրականացվել են վիրսունգոլիթիազի՝ ենթաստամոքսային գեղձի հիմնական ծորանում առաջացած քարերի բուժման բարդ միջամտություններ։Բաժանմունք են դիմել երկու

08-11-2026

Ի՞նչ պետք է իմանալ թոքի քաղցկեղի մասին. Տիգրան Բյուզանդյանի հարցազրույցը

Թոքի քաղցկեղի դեմ պայքարի և իրազեկման ամսվա շրջանակում Վ. Ա. Ֆանարջյանի անվան Ուռուցքաբանության ազգային կենտրոնի Կրծքավանդակային վիրաբուժության և ինտերվենցիոն թոքաբանության բաժանմունքի վարիչ, թորակալ
Կանխի՛ր կոռուպցիան

Ազդարարման հարցերով պատասխանատու՝ Գոռ Թանայան

ՈՒԱԿ անձնակազմի հաշվառան և գրանցման մասնագետ

Հեռախոսահամարներ՝ 010 205050 - 134

Էլեկտրոնային հասցե՝ gtankyan@bk.ru

Հարգելի՛ այցելուներ,

որակի բարելավման նպատակով խնդրում ենք ձեր առաջարկներն ու դիտարկումներն ուղարկել ՈՒԱԿ տնօրեն Կարեն Ծառուկյանին՝ fanarjiansdirector@gmail.com հասցեով։

Ձեր վստահությունը մեր լավագույն գնահատականն է

Թողնել կարծիք×