ՆՈՐՈՒԹՅՈՒՆՆԵՐ

Այժմ ՈՒԱԿ-ում գաստրոստոմիա վիրահատական միջամտությունն` էնդոսկոպիկ եղանակով, ընդամենը 5-10 րոպեում

Ուռուցքաբանության ազգային կենտրոնի կրծքավանդակի և որովայնի օրգանների ուռուցքաբանության բաժանմունքի վարիչ, բ.գ.դ. Գ.Ա. Համբարձումյանը և էնդոաբդոմինալ բաժանմունքի վարիչ Ա.Հ. Նիկողոսյանն էնդոսկոպիկ եղանակով իրականացրեցին հերթական պունկցիոն գաստրոստոմիան:  Սովորաբար, նման վիրահատություններ իրականացվում են այն հիվանդների մոտ, ովքեր ունեն բնական ճանապարհով սնվելու խնդիր: Եթե նախկինում այս վիրահատությունը տևում էր   1 ժամ և ավելի, ապա այժմ այն տևում է ընդամենը 5-10 րոպե` առանց որովայնահատման, և հիվանդը նույն օրը կարող է  դուրս գրվել հիվանդանոցից:


Գաստրոստոմիան ցուցված է մի շարք հիվանդությունների ժամանակ, որոնք բերում են բնական ճանապարհով սնվելու խիստ դժվարացման, ինչպես, օրինակ, մարսողական համակարգի վերին հատվածի  ուռուցքային ախտահարումները, հետինսուլտային փուլում և գանգուղեղային տրավմայով վերակենդանացման բաժանմունքում գտնվող հիվանդների մոտ, ովքեր  երկարատև սնուցման և վերականգնման կարիք ունեն:


Նման դեպքերում, սովորաբար, որովայնահատումով ստամոքում տեղադրվում էր խողովակ, այնուհետև ներարկիչներով կամ հատուկ ձագարների միջոցով սնունդը ներարկվում էր ստամոքս և ապահովում սնուցումը: Այժմ ՈւԱԿ-ում էնդոսկոպիկ եղանակով գաստրոսկոպիայի ժամանակ պունկցիայով ստամոքսում տեղադրվում է գաստրոստոմիկ խողովակ, որը հիվանդին ապահովում է աղեստամոքսային համակարգով էնտերալ սնուցում:


Գաստրոստոման կարող է նախատեսված լինել  ինչպես հետագա ամբողջ կյանքի ընթացքում սնուցումն ապահովելու համար, այնպես էլ` տեղադրվել ժամանակավոր: Նման դեպքերում հիմնական հիվանդության բուժումից հետո գաստրոստոմիկ խողովակը հեռացվում է և վերականգնվում է հիվանդի նորմալ ֆիզիոլոգիական սնուցման ուղին:


19-11-2026

Թոքի քաղցկեղ․ գանգատներից մինչև վաղ ախտորոշում. «Լուրերի» անդրադարձը

Թոքի քաղցկեղը շարունակում է մնալ առողջապահության կարևոր մարտահրավերներից մեկը։ Հիվանդության վաղ հայտնաբերումը, առաջին ախտանշանների ճանաչումը և բժշկին ժամանակին դիմելը կարող են էական նշանակություն

17-11-2026

Վիրսունգոլիթիազ․ ենթաստամոքսային գեղձի ծորանի քարերի բուժման բարդ միջամտություններ ՈՒԱԿ-ում

ՈՒԱԿ որովայնային և էնդովիրաբուժության բաժանմունքում իրականացվել են վիրսունգոլիթիազի՝ ենթաստամոքսային գեղձի հիմնական ծորանում առաջացած քարերի բուժման բարդ միջամտություններ։Բաժանմունք են դիմել երկու

08-11-2026

Ի՞նչ պետք է իմանալ թոքի քաղցկեղի մասին. Տիգրան Բյուզանդյանի հարցազրույցը

Թոքի քաղցկեղի դեմ պայքարի և իրազեկման ամսվա շրջանակում Վ. Ա. Ֆանարջյանի անվան Ուռուցքաբանության ազգային կենտրոնի Կրծքավանդակային վիրաբուժության և ինտերվենցիոն թոքաբանության բաժանմունքի վարիչ, թորակալ
Կանխի՛ր կոռուպցիան

Ազդարարման հարցերով պատասխանատու՝ Գոռ Թանայան

ՈՒԱԿ անձնակազմի հաշվառան և գրանցման մասնագետ

Հեռախոսահամարներ՝ 010 205050 - 134

Էլեկտրոնային հասցե՝ gtankyan@bk.ru

Հարգելի՛ այցելուներ,

որակի բարելավման նպատակով խնդրում ենք ձեր առաջարկներն ու դիտարկումներն ուղարկել ՈՒԱԿ տնօրեն Կարեն Ծառուկյանին՝ fanarjiansdirector@gmail.com հասցեով։

Ձեր վստահությունը մեր լավագույն գնահատականն է

Թողնել կարծիք×