ՆՈՐՈՒԹՅՈՒՆՆԵՐ

Չինացի պրոֆեսոր Ուենլին Ուոնգի այցը ՈՒԱԿ․ համատեղ վիրահատություն և փորձի փոխանակում

Ուռուցքաբանության ազգային կենտրոն է այցելել Չինաստանի Գուանջոու քաղաքի “Second Traditional Chinese Medicine” հիվանդանոցի Կրծքավանդակի պատի վիրաբուժության հետազոտական ինստիտուտի ղեկավար, պրոֆեսոր Ուենլին Ուոնգը։

Այցի շրջանակում պրոֆեսոր Ուոնգը և ՈՒԱԿ Կրծքավանդակային վիրաբուժության և ինտերվենցիոն թոքաբանության բաժանմունքի վարիչ, թորակալ վիրաբույժ Տիգրան Բյուզանդյանը կատարել են համատեղ վիրահատական միջամտություն՝ կրծքավանդակի պատի մասնատում` 2-րդ, 3-րդ և 4-րդ կողոսկրերի  և կրծոսկրի մասնահատումով, ուռուցքի հեռացումով, պլաստիկայով։

Պրոֆեսոր Ուոնգը հանդիպել է նաև հիվանդանոցի բուժանձնակազմի և բաժանմունքի կլինիկական օրդինատորների հետ, անցկացրել մասնագիտական խորհրդատվություններ և փորձի փոխանակում։
Այցի ընթացքում նրան ընդունել է նաև ՈՒԱԿ տնօրեն՝ բ.գ.թ. Կարեն Ծառուկյանը։

Պրոֆեսոր Ուենլին Ուոնգը տնօրենի հետ զրույցում նշել է, որ կրծքավանդակի պատի վիրաբուժությունը Հայաստանում՝ Ուռուցքաբանության ազգային կենտրոնի մասնագետների շնորհիվ, շարունակաբար զարգանում է, և իր համար մեծ ուրախություն է պարբերաբար այցելել Հայաստան՝ փորձի փոխանակման և նոր համագործակցության նպատակով։

 ՈՒԱԿ-ը առանձնակի կարևորություն է տալիս միջազգային համագործակցությանը և մասնագիտական փորձի փոխանակմանը։ Նման համագործակցությունները ոչ միայն հնարավորություն են կատարելագործելու գիտելիքներն ու հմտությունները, այլև կամուրջ՝ միավորելու տարբեր երկրների առաջատար մասնագետներին ընդհանուր նպատակի շուրջ՝ հիվանդների կյանքի որակի բարելավման համար։ Գիտելիքի փոխանակումն ու գործընկերային կապերի ամրապնդումը մեզ համար շարունակական առաջընթացի ամենաարդյունավետ ուղին են։

19-11-2026

Թոքի քաղցկեղ․ գանգատներից մինչև վաղ ախտորոշում. «Լուրերի» անդրադարձը

Թոքի քաղցկեղը շարունակում է մնալ առողջապահության կարևոր մարտահրավերներից մեկը։ Հիվանդության վաղ հայտնաբերումը, առաջին ախտանշանների ճանաչումը և բժշկին ժամանակին դիմելը կարող են էական նշանակություն

17-11-2026

Վիրսունգոլիթիազ․ ենթաստամոքսային գեղձի ծորանի քարերի բուժման բարդ միջամտություններ ՈՒԱԿ-ում

ՈՒԱԿ որովայնային և էնդովիրաբուժության բաժանմունքում իրականացվել են վիրսունգոլիթիազի՝ ենթաստամոքսային գեղձի հիմնական ծորանում առաջացած քարերի բուժման բարդ միջամտություններ։Բաժանմունք են դիմել երկու

08-11-2026

Ի՞նչ պետք է իմանալ թոքի քաղցկեղի մասին. Տիգրան Բյուզանդյանի հարցազրույցը

Թոքի քաղցկեղի դեմ պայքարի և իրազեկման ամսվա շրջանակում Վ. Ա. Ֆանարջյանի անվան Ուռուցքաբանության ազգային կենտրոնի Կրծքավանդակային վիրաբուժության և ինտերվենցիոն թոքաբանության բաժանմունքի վարիչ, թորակալ
Կանխի՛ր կոռուպցիան

Ազդարարման հարցերով պատասխանատու՝ Գոռ Թանայան

ՈՒԱԿ անձնակազմի հաշվառան և գրանցման մասնագետ

Հեռախոսահամարներ՝ 010 205050 - 134

Էլեկտրոնային հասցե՝ gtankyan@bk.ru

Հարգելի՛ այցելուներ,

որակի բարելավման նպատակով խնդրում ենք ձեր առաջարկներն ու դիտարկումներն ուղարկել ՈՒԱԿ տնօրեն Կարեն Ծառուկյանին՝ fanarjiansdirector@gmail.com հասցեով։

Ձեր վստահությունը մեր լավագույն գնահատականն է

Թողնել կարծիք×