Եվրոմելանոման (http://www.euromelanoma.org) համաեվրոպական ծրագիր է, որը գործում է Եվրոպական Դերմատոօնկոլոգների Ասոցիացիայի (EADO) ներքո:

Եվրոմելանոմայի նպատակն է խթանել եւ տեղեկատվություն տարածել մաշկի քաղցկեղի կանխարգելման, վաղ ախտորոշման եւ բուժման գործում: Եվրոմելանոմա ծրագիրի խնդիրներից է ինֆորմացիան հասանելի դարձնել հանրությանը, ինչպես նաև օգտակար լինել գիտական և կլինիկական գործընթացներին:

Եվրոմելանոման ստեղծվել է 1999թ. Բելգիացի վեց մաշկաբանների կողմից (T. Maselis, M. van Daele, C. Pirard, V. del Marmol, B. Richert, և K. de Boulle) եւ արագորեն տարածում է գտել ավելի քան 33 երկրներում: 2015թ. դեկտեմբերից Հայաստանը դարձել է Եվրոմելանոմա ծրագրի լիիրավ անդամ ի դեմս Վ. Ֆանարջյանի անվան ուռուցքաբանության ազգային կենտրոնի, որը ներկայացնում է բժշկական գիտությունների թեկնածու Անժելա Միքայելի Հայրապետյանը` Դերմատոօնկոլոգների Հայկական Ասոցիացիայի նախագահ:

Եվրոմելանոմայի կայքն  (http://www.euromelanoma.org) արդեն այցելել է ավելի քան մեկ միլիոն մարդ: Կայքի հայկական տարբերակը պատրաստման փուլում է: