ՆՈՐՈՒԹՅՈՒՆՆԵՐ

Հերթական բացառիկ դեպքն ՈՒԱԿ-ում. 40 սմ երկարությամբ ուռուցքը հեռացվել է առանց ամբողջականության խախտման

Հերթական բացառիկ դեպքն ՈՒԱԿ-ում. 40 սմ երկարությամբ ուռուցքը հեռացվել է առանց ամբողջականության խախտման

ԱԽՏՈՐՈՇՈՒՄ

37-ամյա տղամարդը դիմել է Ուռուցքաբանության ազգային կենտրոն՝ գանգատվելով որովայնի չափերի մեծացումից, շոշափվող ուռուցքի առկայությունից և ցավից։ Գանգատներըի տևողությունը՝ շուրջ 6 ամիս։
Հետազոտության տվյալներով առկա է եղել մեծ չափերի գոյացություն որովայնում։ Հայտնաբերվել է լիպոսարկոմա՝ ճարպային բնույթի գոյացություն` չարորակացմամբ։

Ուռուցքն աճել էր հետորովայնամզային տարածությունից՝ գրավելով որովայնի գրեթե ամբողջ աջ կեսը՝ հրելով մյուս օրգաններին դեպի ձախ։ Աղեստամոքսային տրակտի օրգաններ ներաճ չի եղել, կասկած կար, որ ուռուցքը կարող էր ներաճած լինել զստային անոթների մեջ, և հաստատված էր, որ ներաճ կա աջ երիկամ՝ առանց ֆունկցիայի խանգարման։

ՎԻՐԱՀԱՏՈՒԹՅՈՒՆ

Ուռուցքի հսկա չափերի պատճառով վիրահատությունն իրականացվել է տեխնիկական դժվարություններով, սակայն ուռուցքի ամբողջականության պահպանմամբ այն հեռացվել է։

Ուռուցքի հետ հեռացվել է նաև աջ երիկամը, որը, չնայած չի ունեցել ֆունկցիայի խանգարում, սակայն ամբողջությամբ ուռուցքով է պատված եղել։ Վիրահատության ժամանակ ուռուցքը տարանջատվել է ստամոքսից, աղիներից, անոթներից; Վիրահատության ժամանակ հայտնաբերվել է, որ ուռուցքը սերտ հպված է եղել նաև ստորին սիներակին և որովայնային աորտային՝ առանց ներաճի նշանների։

Վիրահատությունն իրականացրել են ՈՒԱԿ որովայնային և էնդովիրաբուժության բաժանմունքի ղեկավար Հմայակ Եփրեմյանը, բժիշկ-ուռուցքաբան Վիկտորյա Հովհաննիսյանը, անեսթեզիոլոգ Սամվել Պողոսյանը։

ԴԵՊՔԻ ԱՌԱՆՁՆԱՀԱՏԿՈՒԹՅՈՒՆ

Հետազոտության տվյալներով գոյացության չափերը եղել են 35/20 սմ, սակայն վիրահատությունից հետո գոյացության իրական չափը եղել է 40/25 սմ։ Վիրահատության ընթացքում վտանգ կար առատ արյունահոսության, բայց մասնագետների պրոֆեսիոնալիզմի շնորհիվ հնարավոր եղավ զերծ մնալ բարդություններից։

ՎԻՐԱՀԱՏՈՒԹՅՈՒՆԻՑ ՀԵՏՈ

Հետվիրահատական ընթացքն անցել է առանց բարդությունների։ Վիրահատությունից 7 օր անց պացիենտը դուրս է գրվել ստացիոնարից ընդհանուր վիճակի լավացումով և այժմ շարունակում է բուժումը քիմիաթերապիայի բաժանմունքում։ Թիմային աշխատանքի շնորհիվ մեր մասնագետները կարողանում են պայքարել և հաղթահարել անհաղթահարելի թվացող բարդություններ։

19-11-2026

Թոքի քաղցկեղ․ գանգատներից մինչև վաղ ախտորոշում. «Լուրերի» անդրադարձը

Թոքի քաղցկեղը շարունակում է մնալ առողջապահության կարևոր մարտահրավերներից մեկը։ Հիվանդության վաղ հայտնաբերումը, առաջին ախտանշանների ճանաչումը և բժշկին ժամանակին դիմելը կարող են էական նշանակություն

17-11-2026

Վիրսունգոլիթիազ․ ենթաստամոքսային գեղձի ծորանի քարերի բուժման բարդ միջամտություններ ՈՒԱԿ-ում

ՈՒԱԿ որովայնային և էնդովիրաբուժության բաժանմունքում իրականացվել են վիրսունգոլիթիազի՝ ենթաստամոքսային գեղձի հիմնական ծորանում առաջացած քարերի բուժման բարդ միջամտություններ։Բաժանմունք են դիմել երկու

08-11-2026

Ի՞նչ պետք է իմանալ թոքի քաղցկեղի մասին. Տիգրան Բյուզանդյանի հարցազրույցը

Թոքի քաղցկեղի դեմ պայքարի և իրազեկման ամսվա շրջանակում Վ. Ա. Ֆանարջյանի անվան Ուռուցքաբանության ազգային կենտրոնի Կրծքավանդակային վիրաբուժության և ինտերվենցիոն թոքաբանության բաժանմունքի վարիչ, թորակալ
Կանխի՛ր կոռուպցիան

Ազդարարման հարցերով պատասխանատու՝ Գոռ Թանայան

ՈՒԱԿ անձնակազմի հաշվառան և գրանցման մասնագետ

Հեռախոսահամարներ՝ 010 205050 - 134

Էլեկտրոնային հասցե՝ gtankyan@bk.ru

Հարգելի՛ այցելուներ,

որակի բարելավման նպատակով խնդրում ենք ձեր առաջարկներն ու դիտարկումներն ուղարկել ՈՒԱԿ տնօրեն Կարեն Ծառուկյանին՝ fanarjiansdirector@gmail.com հասցեով։

Ձեր վստահությունը մեր լավագույն գնահատականն է

Թողնել կարծիք×