ՆՈՐՈՒԹՅՈՒՆՆԵՐ

ՀՀ ԱՆ Վ․Ա․ Ֆանարջյանի անվան Ուռուցքաբանության ազային կենտրոնը ամփոփեց տարին

ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնը 2021 թվականին շարունակել է բարեփոխումների և արդիականացման գործընթացը՝ գրանցելով դրական դինամիկա և կայուն աճ բոլոր ցուցանիշներով։ Կենտրոնի մեկ տարվա գործունեության արդյունքները ամփոփվեցին տարեկան հաշվետու ժողովի ընթացքում, որին ներկա էին բարձրաստիճան հյուրեր Առողջապահության նախարարությունից՝ նախարարի տեղակալ Արմեն Նազարյանը, Բժշկական օգնության քաղաքականության վարչության աշխատակից Նարինե Մարգարյանը և Պետական առողջապահական գործակալությունից՝ Կարեն Միքայելյանը։

Ինչպես տեղեկացրեց ՈւԱԿ-ի տնօրեն Նարեկ Մանուկյանը, 2021 թվականին կենտրոնն ունեցել է 40-60% աճ բոլոր ոլորտներում, իսկ ֆինանսական մուտքերը գերազանցել են 5 մլրդ դրամը՝ ի շնորհիվ ստվերային շրջանառության դեմ շարունակական պայքարի, հիվանդների դիմելիության աճի և պետական պատվերի ավելացման։

2021 թվականին Ուռուցքաբանության ազգային կենտրոնը ընդլայնել է նաև իր միջազգային կապերը։ Մասնավորապես, կնքվել են համագործակցության հուշագրեր Փարիզի Գյուստավ Ռուսի ուռուցքաբանական կենտրոնի և Մոսկվայի Ն․ Բլոխինի անվան ուռուցքաբանական կենտրոնի հետ։

Տնօրենի տեղակալ Արամ Ջիլավյանի ներկայացրած տվյալների համաձայն, արձանագրվել է ընդունված հիվանդների թվի կայուն աճ, ավելացել է կենտրոնում կատարվող վիրահատական միջամտությունների, քիմիաթերապևտիկ և ճառագայթային բուժման կուրսերի քանակը։

Հաշվետու ժամանակահատվածում կենտրոնի մի շարք բաժանմունքներում ներդրվել և հաջողությամբ իրականացվում են վիրահատական մի շարք նոր միջամտություններ։ Մասնավորապես, որովայնային և էնդովիրաբուժության բաժանմունքում կատարվում են կերակրափողի և լեղածորանների ստենտավորում, լապարասկոպիկ հեմիկոլէկտոմիա, կերակրափողի վարիկոզ երակների լիգավորում։

Օնկոուրոլոգիական բաժանմունքում ներդրվել են լապարասկոպիկ մի շարք վիրահատություններ, այդ թվում՝ շագանակագեղձի և երիկամի արմատական հեռացման։

Նյարդավիրաբուժության բաժանմունքում մի շարք վիրահատություններ են կատարվում վերջին սերնդի նյարդավիրաբուժական մանրադիտակի միջոցով։

Ֆին բժիշկների օժանդակությամբ Ընդհանուր և մանկական ուռուցքաբանության և ռեկոնստրուկտիվ վիրաբուժության բաժանմունքում ներդրվել և հաջողությամբ իրականացվում է կրծքագեղձի միկրովիրաբուժական վերականգնում և պլաստիկա սեփական հյուսվածքներով։

Շարունակվել է Կենտրոնի տեխնիկական վերազինումը։ Մասնավորապես, ներվիրահատական ֆլուորեսցենտային հետազոտությունների համար ձեռք է բերվել IC-Flow™ վիզուալիզացիայի համակարգը, որը նորամուծություն է Հայաստանի առողջապահական համակարգում։


19-11-2026

Թոքի քաղցկեղ․ գանգատներից մինչև վաղ ախտորոշում. «Լուրերի» անդրադարձը

Թոքի քաղցկեղը շարունակում է մնալ առողջապահության կարևոր մարտահրավերներից մեկը։ Հիվանդության վաղ հայտնաբերումը, առաջին ախտանշանների ճանաչումը և բժշկին ժամանակին դիմելը կարող են էական նշանակություն

17-11-2026

Վիրսունգոլիթիազ․ ենթաստամոքսային գեղձի ծորանի քարերի բուժման բարդ միջամտություններ ՈՒԱԿ-ում

ՈՒԱԿ որովայնային և էնդովիրաբուժության բաժանմունքում իրականացվել են վիրսունգոլիթիազի՝ ենթաստամոքսային գեղձի հիմնական ծորանում առաջացած քարերի բուժման բարդ միջամտություններ։Բաժանմունք են դիմել երկու

08-11-2026

Ի՞նչ պետք է իմանալ թոքի քաղցկեղի մասին. Տիգրան Բյուզանդյանի հարցազրույցը

Թոքի քաղցկեղի դեմ պայքարի և իրազեկման ամսվա շրջանակում Վ. Ա. Ֆանարջյանի անվան Ուռուցքաբանության ազգային կենտրոնի Կրծքավանդակային վիրաբուժության և ինտերվենցիոն թոքաբանության բաժանմունքի վարիչ, թորակալ
Կանխի՛ր կոռուպցիան

Ազդարարման հարցերով պատասխանատու՝ Գոռ Թանայան

ՈՒԱԿ անձնակազմի հաշվառան և գրանցման մասնագետ

Հեռախոսահամարներ՝ 010 205050 - 134

Էլեկտրոնային հասցե՝ gtankyan@bk.ru

Հարգելի՛ այցելուներ,

որակի բարելավման նպատակով խնդրում ենք ձեր առաջարկներն ու դիտարկումներն ուղարկել ՈՒԱԿ տնօրեն Կարեն Ծառուկյանին՝ fanarjiansdirector@gmail.com հասցեով։

Ձեր վստահությունը մեր լավագույն գնահատականն է

Թողնել կարծիք×