ՆՈՐՈՒԹՅՈՒՆՆԵՐ

Քաղցկեղը հաղթահարած հայտնի մարդիկ․ Վլադիմիր Պոզներ

 Հայտնի հեռուստահաղորդավար Վլադիմիր Պոզները խոստովանել է, որ երկու անգամ բուժվել է քաղցկեղից, և երկրորդ անգամ պատրաստ էր հրաժեշտ տալ կյանքին։  Այդ մասին նա պատմել է ուկրաինացի լրագրող Դմիտրի Գորդոնին։

Ըստ Պոզների, քաղցկեղի դեմ նրա պայքարը սկսվել է 1993 թվականին, երբ նա ապրում էր Միացյալ Նահանգներում։

«Այնպիսի տպավորություն էր, որ ես մխրճվեցի աղյուսե պատի մեջ։ Այսինքն, այնպիսի ուժգնության հարված էր, որ դժվար էր պատկերացնել։ Եվ մտքերս էին․ «Վերջ, կյանքս ավարտված է»», - շագանակագեղձի քաղցկեղ ախտորոշումից հետո իր առաջին ապրումներն է նկարագրել Վլադիմիր Պոզները։

Հիվանդությունը նա հեշտությամբ հաղթահարեց, քանի որ այն հայտնաբերվել էր վաղ փուլում։ Վիրահատությունից հետո 20 տարի հիվանդությունն իրեն զգացնել չէր տալիս։

Սակայն 2014-ին բժիշկները նոր քաղցկեղ ախտորոշեցին՝ ուղիղ աղու։ Ընդ որում, հիվանդությունը հայտնաբերած բժիշկն ասել էր, որ գոյացությունը գտնվում է հետանցքի սֆինկտերին շատ մոտ, իսկ դա նշանակում էր, որ վիրահատության ժամանակ այն պետք է հեռացվեր։ Այսինքն, Պոզները մինչև կյանքի վերջ պետք է գոտկատեղին հատուկ պարկ (կղանքընդունիչ) կրեր։

«Ես նրան ասացի, որ հրաշալի կյանք եմ ապրել, և այդպես չեմ ապրի, ուղղակի կհեռանամ», - պատմել է Պոզները։

Այնուհետև նա որոշել է խորհրդակցել այլ բժիշկների հետ։ Նա հետազոտվել է հինգ երկրների ուռուցքաբանական կենտրոններում․ ԱՄՆ, Իսրայել, Ֆրանսիա, Մեծ Բրիատանիա և Գերմանիա։ Վերջիվերջո, նա իր կյանքը վստահեց գերմանացի վիրաբույժին։

«Ինձ մոտ երկրորդ փուլի քաղցկեղ էր, և սֆինկտերը պահպանեցին։ Դա լոկալ վիրահատություն էր, ինձ չեն կտրել երկայնքով։ Այս երկրորդ անգամն ավելի բարդ դեպք էր, բայց ես արդեն թրծված էի և պատրաստ պայքարի։ Թեպետ մտքումս ասել էի, եթե այլ ելք չլինի, ապա ես այդպես չեմ ապրի։ Ես կյանքիս վերջ կտայի», - պատմել է հեռուստալրագրողը։

Նրա խոսքով, վիրահատությունից հետո սկզբում նա հետազոտվում էր երեք ամիսը մեկ, այնուհետև՝ վեց ամիսը մեկ, հետո՝ տարին մեկ անգամ։ Հիմա նրան ասել են, որ նա կարող է երկարաձգել այդ ժամանակահատվածը մինչև երեք տարի։


19-11-2026

Թոքի քաղցկեղ․ գանգատներից մինչև վաղ ախտորոշում. «Լուրերի» անդրադարձը

Թոքի քաղցկեղը շարունակում է մնալ առողջապահության կարևոր մարտահրավերներից մեկը։ Հիվանդության վաղ հայտնաբերումը, առաջին ախտանշանների ճանաչումը և բժշկին ժամանակին դիմելը կարող են էական նշանակություն

17-11-2026

Վիրսունգոլիթիազ․ ենթաստամոքսային գեղձի ծորանի քարերի բուժման բարդ միջամտություններ ՈՒԱԿ-ում

ՈՒԱԿ որովայնային և էնդովիրաբուժության բաժանմունքում իրականացվել են վիրսունգոլիթիազի՝ ենթաստամոքսային գեղձի հիմնական ծորանում առաջացած քարերի բուժման բարդ միջամտություններ։Բաժանմունք են դիմել երկու

08-11-2026

Ի՞նչ պետք է իմանալ թոքի քաղցկեղի մասին. Տիգրան Բյուզանդյանի հարցազրույցը

Թոքի քաղցկեղի դեմ պայքարի և իրազեկման ամսվա շրջանակում Վ. Ա. Ֆանարջյանի անվան Ուռուցքաբանության ազգային կենտրոնի Կրծքավանդակային վիրաբուժության և ինտերվենցիոն թոքաբանության բաժանմունքի վարիչ, թորակալ
Կանխի՛ր կոռուպցիան

Ազդարարման հարցերով պատասխանատու՝ Գոռ Թանայան

ՈՒԱԿ անձնակազմի հաշվառան և գրանցման մասնագետ

Հեռախոսահամարներ՝ 010 205050 - 134

Էլեկտրոնային հասցե՝ gtankyan@bk.ru

Հարգելի՛ այցելուներ,

որակի բարելավման նպատակով խնդրում ենք ձեր առաջարկներն ու դիտարկումներն ուղարկել ՈՒԱԿ տնօրեն Կարեն Ծառուկյանին՝ fanarjiansdirector@gmail.com հասցեով։

Ձեր վստահությունը մեր լավագույն գնահատականն է

Թողնել կարծիք×