ՈՒԱԿ-ը այսօր ներկայանում է նորովի և վստահ փորձում քայլել ժամանակին համընթաց
Կենտրոնի ղեկավարության առջև դրվեց գերխնդիր՝ ստեղծել գերժամանակակից, բազմապրոֆիլ բժշկական կենտրոն:
ՈՒԱԿ-ը համապատասխանելով եվրոպական չափանիշներին, ունի վիրաբուժական, քիմիաթերապևտիկ, ռադիոթերապիայի և ախտորոշիչ բաժանմունքներ, պոլիկլինիկա և տարբեր օժանդակ ծառայություններ:
Վիրահատական բլոկը հագեցված է 10 ստանդարտ վիրահատարանով: Բոլոր վիրահատարանները զինված են թթվածնի, ածխաթթու գազի, սեղմված օդի և վակուումի կենտրոնացված համակարգով, անզգայացման և մոնիտորինգի սարքավորումներով, էնդոսկոպիկ վիրաբուժության ժամանակակից սարքավորումներով:
Գործում են ինչպես նախավիրահատական, այնպես էլ հետվիրահատական սրահներ:
ՈՒԱԿ-ը՝ հանդիսանալով հանրապետությունում իր տեսակով եզակի և միակ կենտրոնը, ապահովում է համակողմանի և բազմադիսցիպլինար մոտեցում, ունի ընդլայնվելու հնարավորություն և ներուժ` ազգաբնակչությանը ավելի մեծածավալ մասնագիտացված բուժօգնություն ապահովելու համար:
